Policia po patrullon me pushkë automatike në Karaçevë

Gazeta Express

14/08/2020 15:04

Sipas disa fotografive të publikuara në rrjetet sociale, Policia e Kosovës tashmë ka nisur patrullimin në Karaçevë, pranë vijës kufitare me Serbinë.

Policë të Kosovës me armë të gjatë janë parë duke patrulluar në atë anë.

KFOR ka lajmëruar dje se me Policinë e Kosovës do të nisin patrullimet në zonën, që prodhoi shumë reagime këtë javë.

“Komanda Rajonale e KFOR-it Lindje ka nisur planifikimin me Policinë Kufitare të Kosovës për veprimtari të përbashkëta operacione në zonën e Kamenicës”, thuhej në njoftimin e KFOR-it.

Të shtunën e kaluar, ushtarë serbë me uniformë e armë u panë duke lëvizur rreth lagjeve të banuara me shqiptarë, në Karaçevë, që është pjesë e Kamenicës. /Express/