“Ervis Martinaj mbrohej nga policë”, gazetari: Ish-nëndrejtorë të Tiranës kanë qenë në shërbim të tij

Shqiperi

Gazeta Express

27/12/2022 20:32

Një ditë më parë RENEA dhe FNSH mësynë në banesën e Ervis Martinajt, në Fushë Kuqe të Kurbinit dhe të familjarëve të tij.

Pas kontrollit policia arriti të gjente armë e municion luftarak, por nuk pati asnjë person të arrestuar.

Gazetari Ferdinand Dervishi në studion e ABC tha se nga armët e gjetura policia mund të zbulojë gjurmë gishtash. Ai theksoi se kontrollet e imtësishme duhej të ishin kryer që në gusht, kur Martinaj u deklarua i zhdukur nga familjarët.

“Në banesën e Martinajt kishte materiale të grupeve krimianle. Martinaj ndimohej nga shumë policë. Në armët e gjetura në banesën e tij mund të gjenden shenja gishtash. Kontrolli i banesës duhej të bëhej që në ditët kur familjarët e denoncuan të zhdukur. Duhet një hetim shumë i thelluar, në të gjitha bazat ku rrinte ky person, sepse i dinë ku janë të gjitha. Policia është një hap para gazetarëve, di më shumë informacion. Në gjithë këtë histori ka shumë gjëra të çuditshme. Ai nuk mbrohej vetëm nga grupe kriminale, por edhe nga policë. Niveli i personave të implikuar është drejtorë, nën-drejtorë të Tiranës. Ish-nëndrejtorë Tirane kanë qenë në shërbim të tij.”, u shpreh Dervishi.