Mediat e Vuçiqit e falsifikojnë njoftimin – Kosova pa fusnotë në Davos

Lajme

Sefer Zogaj

16/01/2023 23:13

Në Zvicër nga sot po mbahet ngjarja e Forumit Ekonomik Botëror( 16-20 janar), aty Kosovën do ta përfaqësojë Albin Kurti, kryeministër i vendit.

Por, mediat serbe janë përpjekur që ta paraqesin prezencën e Kosovës “me fusnotë”, si kontestim ndaj pavarësisë së Kosovës.

Media serbe “Novosti”, duke e falsifikuar listën ka  pretenduar se Kurti do ta përfaqësojë Kosovën me fusnotë.

“Davos poshtëroi një vend falsë: Kurti në Forumin Ekonomik Botëror përfaqëson Kosovën me fusnotë”, ka shkruar të premten kjo media propagandistike.

Mirëpo kjo delë të jetë vetëm dëshirë e mediave të pushtetit në Serbi, pasi në listën e vendeve pjesëmarrëse që është publikuar sot Kosova figuron pa fusnotë, njëjtë sikur të gjithë vendet e tjera të pavarura.

Nuk është hera e parë që mediat në Serbi përpiqen ta minojnë pavarësinë e Kosovës, qoftë edhe duke trilluar “informacione” që më pas dalin të jenë përpjekje të dështuara. /Express