VIDEO/Anglezi te hoteli i Nikulajt vëzhgonte biznesmenin, orientoi vrasësin portugez

Shqiperi

Gazeta Express

26/04/2023 19:01

Një shtetas portugez dhe një anglez rezultojnë të jenë autorët e vrasjes së biznesmenit, Ardian Nikulaj.

Shtetasi anglez është akomoduar pikërisht në hotelin dhe restorantin ku qëndronte dhe administrohej nga Nikulaj.

Sikurse duket edhe nga kjo video e mëposhtme, anglezi shihet në hotelin e Nikulajt duke vëzhguar lëvizjes e këtij të fundit në datë 11 pril 2023.

Ai dëgjohet teksa përshëndet në anglisht “Hellooo”, ndërsa një person është duke fjetur. Anglezi ka qenë njeriu që ka orientuar vrasësin Portugez, i cili sipas pamjeve filmike besohet së është i zi.

Policia e Shtetit ka dalë në një konferencë për shtyp pasditen e sotme ku ka dhënë detaje të reja në lidhje me këtë ngjarje kriminale.

Muhamet Rrumbullaku, bëri me dije se se kjo ngjarje është zbardhur dhe janë shpallur në kërkim ndërkombëtar 6 persona, mes tyre një me shtetësi shqiptaro-britanike, një portugez dhe 4 të tjerë britanikë, mes të cilëve edhe një grua.

Të shpallur në kërkim

1. E. H., shtetas me shtetësi shqiptare dhe britanike,
2. R. R. S., shtetas portugez,
3. H. J. S., shtetas britanik,
4. H. B., shtetase britanike,
5. TH. M., shtetas britanik,
6. S. P. H, shtetas britanik,

Sa i përket motiveve, kreu i policisë së shtetit tha se pas saj qëndron gjakmarrja.

“Prokuroria pranë gjykatës së shkallës së parë Lezhë ka regjistruar procedimin penal, për veprën penale “vrasje për motive gjakmarrje e kryer në formën e grupit të sturkturuar kriminal” dhe “mbajtje pa leje të armëve shpërthyese dhe municioneve luftarake”, tha ai./Gazeta Express