Autorët qëlluan me breshëri kallashnikovi drejt banesës së Gentjan Bejtjes në mesnatë në fshatin Larushk të Fushë-Krujës. Nga të shtënat mbeti i vrarë Ramazan Sino 29 vjeç, kunati, dhe u plagosën dy djemtë e Gentjan Bejtjes.
Njëri prej tyre në gjendje të lehtë doli nga spitali në orën 04:00, ndërsa tjetri Alvi Bejtja 13 vjeç ndodhet nën kujdesin e mjekëve.
Vrasësit e atentatit kishin përdorur një automjet tip Volkswagen Golf 5 për të kryer ngjarjen kriminale.
Shënjestër e atentatit ka qenë Gentjan Bejtja, i cili u ka shpëtuar atentateve edhe disa herë të tjera.
Bejtja, një ish-punonjës i policisë së burgjeve, njihet nga strukturat e policisë për backgroundin e tij kriminal dhe hasmërinë e krijuar me disa grupe kriminale të Fushë-Krujës me të cilët kishte qenë më parë në miqësi.
/Gazeta Express
Edicioni
t7 live
