Dy në Greqi, një i dënuar me burgim të përjetshëm! Kush janë 3 autorët e vrasjes së Besmir Hidës

Shqiperi

Gazeta Express

20/07/2023 11:14

Pas 4 vitesh, policia ka zbardhur vrasjen e Besmir Hidës, i cili u ekzekutua me 1 tetor në Lushnjë.

Lexo edhe: Zbardhet vrasja e Besmir Hidës në 2019, identifikohen 3 autorët! Si u ekzekutua nga rivalët e Aldo Bares

Kujtojmë se Hida u qëllua për vdekje me breshëri kallashnikovi nga një person i maskuar teksa ishte duke pirë kafe në katin e dytë të një lokali në lagjen “Gafur Muça”. Vrasja e Hidës dyshohet se ka lidhje me zinxhirin e  larjes së hesapeve me grupeve rivale famëkeqe të Lushnjes, Aldo Bares dhe Laert Haxhiut.

Pas ekzaminimit të provave, policia thotë se ka identifikuar 3 autorët, të cilët janë aktualisht të arrestuar. Ata janë Laert Haxhiu 31 vjeç, Orgest Bilbili 33 vjeç dhe Ardian Ahmetaj 49 vjeç.

Tre autorët janë persona me precedentë të theksuar kriminale.

Laert Haxhiu, 31 vjeç, lindur dhe banues në Lushnjë, aktualisht i arrestuar në Greqi. Ky person u arrestua në Janinë, në maj të këtij viti, gjatë një operacioni të përbashkët mes Policisë së Shtetit dhe Policisë greke. Pritet ekstradimi i tij drejt Shqipërisë;    

Orgest Bilbili, 33 vjeç, lindur dhe banues në Lushnjë, aktualisht ndodhet në IEVP Drenovë, Korçë. Ky shtetas është dënuar me burgim të përjetshëm, në lidhje me një ngjarje të gjykuar më parë nga Gjykata e Shkallës së Parë për Korrupsionin dhe Krimin e Organizuar. Ditën e djeshme, atij i është kominikuar masa e sigurisë, për vrasjen e ndodhur në vitin 2019.    

Ardian Ahmetaj, 49 vjeç, aktualisht ndodhet në burg, në Greqi, pasi është arrestuar në vitin 2020, gjatë një operacioni të përbashkët mes Policisë së Shtetit dhe Policisë greke. Ky shtetas është dënuar në vitin 2021, me 11 vjet burgim, nga Gjykata e Athinës, për armëmbajtje pa leje në rrethana rënduese, sipas Kodit Penal të shtetit grek.  

/Gazeta Express