Babai që nxori vajzën në pritë, sekreti për rrëmbimin e 14-vjeçares në Shkup

Lajme

Gazeta Express

07/12/2023 8:07

Detaje të reja janë publikuar në media në lidhje me vrasjen e 14-vjeçares Vanja Gjorçevska, e cila u nxor në pritë te rrëmbyesit  nga babai i saj Aleksandar Gjorçevska, tashmë i arrestuar nga policia e Maqedonisë së Veriut.

Sipas të rejave më të fundit, ish-bashkëshortja e Aleksandar Gjorçevskas vinte nga një familje e pasur dhe së fundmi kishin shitur një shtëpi. Ishte pikërisht ky moment që Aleksandër ishte vënë në dijeni dhe kërkonte të përfitonte para.

Ai kishte mbajtur kontakte të vazhdueshme me autorin e krimit Lupço Palevski, që u kap së fundmi në Turqi dhe e informonte atë për lëvizjet e të gjithë familjes dhe vajzës së tij të mitur në veçanti.

Ministri i Punëve të Brendshme në Maqedoninë e Veriut, Oliver Spasovski kur u pyet dhe mbi mënyrën si u ekzekutua 14-vjeçarja, zbuloi se plaga që i solli vdekjen e saj u shkaktua me armë zjarri.