Muzeu Arkeologjik në Prizren mund të eksplorohet në mënyrë virtuale

Arte

Gazeta Express

22/02/2024 14:37

Thesari i Muzeut Arkeologjik të rajonit të Prizrenit, tani e tutje, mund të eksplorohet nga vizitorët edhe në mënyrë virtuale.

EC Ma Ndryshe në bashkëpunim me profesionistët e fushës, mbështetur nga Ministria e Kulturës ka jetësuar konceptin e muzeut virtual për këtë aset të trashëgimisë kulturore, ku janë të ekspozuara artefaktet, që nga Neoliti, Eneoliti, Periudha e Bronzit, Periudha e hekurit, Periudha Antike e Romake, Mesjeta dhe Periudha Osmane.

Edhe vet monumenti paraqet një kompozicion të veçantë arkitektonik përkatësisht gërshetimin e Hamamit të Shemsedin Ahmet Beut me Sahat Kullën.