Kushtrim Reshitaj tregon se sa miliona euro i ka fituar Ballkani

Futboll

Gazeta Express

20/05/2024 10:45

Kushtrim Reshitaj ka qenë mysafir i emisionit sportiv “Favorit” në T7.

Drejtori për media dhe marketing i Ballkanit është pyetur rreth të hyrave në klubin nga Suhareka, i cili në dy edicionet e fundit bëri sensacion duke shkuar deri në fazën e grupeve të Ligës së Konferencës, shkruan “Gazeta Express”.

Reshitaj zbuloi se brenda një viti Ballkani i ka pasur rreth 5 milionë euro të hyra, por që ndërkohë ka pasur edhe shumë shpenzime.

Ai tregoi detaje rreth aspektit financiar të klubit, i cili qëndron mjaft mirë në këtë drejtim dhe është goxha stabil, për dallim nga pjesa dërrmuese e klubeve të Superligës, e mos të flasim për klubet e niveleve më të ulëta të futbollit të këtushëm.

Për ta parë të plotë emisionin “Favorit” në Youtube mund të klikoni më poshtë. /Gazeta Express/