string(61) "mes-shume-vuajtjeve-reali-kalon-ne-finale-te-kupes-se-mbretit"

Sport

Gazeta Express

02/04/2025 0:25

Mes shumë vuajtjeve, Reali kalon në finale të Kupës së Mbretit

Sport

Gazeta Express

02/04/2025 0:25

Real Madridi ka kaluar në finale të Kupës së Mbretit, duke e eliminuar Real Sociedadin në vazhdime me rezultat të përgjithshëm 5-4.

Pas vetëm 16-të minutash lojë, Ander Barrenetxea kaloi mysafirët në epërsi me asistimin e Pablo Marin.

Lexo Edhe:

Por, Endrick i barazoi shifrat në 1-1 me një gol të bukur në minutën e 30-të.

Me kaq edhe përfundoi pjesa e parë, derisa në 45 minuat e dytë kishte një dramë të vërtetë.

Në minutën e 72-të, David Alaba realizoi auto-gol, për t’ia kthyer epërsinë Real Sociedadit.

Tetë minuta më vonë, Takefusa Kubo asistoi te Mikel Oyarzabal, për rezultatin 3-1.

Mirëpo për katër minuta, Real Madridit bëri mrekullinë, duke shënuar dy gola.

Fillimisht, Jude Bellingham (82’) shënoi për 3-2 nga një asistim i Vinicius Junior, ndërsa katër minuta më vonë Aurelien Tchouameni i barazoi shifrat në 3-3 me asistimin e Rodrygos.

Mysafirët nuk u dorëzuan dhe kaluan sërish në epërsi me golin e Oyarzabal (90+3′), për t’ia kthyer epërsinë Sociedadit për 4-3.

Ndeshja shkoi në vazhdime, ndërsa Los Blancos treguan përvojën e tyre.

Real Madridi kaloi në finale falë golit me kokë nga Antonio Rudiger, që shënoi në minutën e 115-të, me asistimin e Arda Guler.

Në finale, Real Madridi do të përballet me fituesin e duelit mes Barcelonës dhe Atletico Madridit.