Promovimi i librit “Prapa mureve të gurit” nga Berit Backer

Arte

Gazeta Express

02/04/2025 14:55

Promovohet libri i sapobotuar i antropologes norvegjeze, Berit Backer, “Prapa mureve të gurit: Ndryshimet në organizimin e familjes te shqiptarët e Kosovës”, antropologes së parë të huaj në Kosovë, e cila qëndroi për vizitë të gjatë studimore në Kosovë (në fshatin Isniq) 50 vjet më parë, gjatë vitit 1974/1975 dhe studioi organizimin shoqëror të shqiptarëve. Promovimi mbahet më 3 prill nga ora 17:00, në Librarinë ‘Dukagjini’.

Vepra në fjalë është mbrojtur si tezë e masterit në Universitetin e Oslos, në vitin 1979. Këtu përshkruhet jeta familjare e farefisnore shqiptare, struktura botëkuptimore kanunore dhe shumë aspekte praktike e rituale të jetës në shoqërinë shqiptare të Kosovës. Pos, tjerash një dokument i jashtëzakonshëm i kohës dhe një referencë emblematike e antropologjisë perëndimore mbi Kosovën.

Kjo temë është botuar si libër në vitin 2003 dhe në vitin 2015, në gjuhën angleze, me shkurtime. Vjen për herë të parë në gjuhën shqipe në formë të plotë, me fotografi të përzgjedhura nga Ann Christine Eek, fotografia që erdhi me Beritën në Isniq, me redaktim dhe hyrje të antropologut Tahir Latifi dhe me përkthim të Enes Lekiqit.

Gjatë promovimit, do të ketë një diskutim të shkurtër mes Arsim Canollit, antropolog dhe botues dhe Tahir Latifit, antropolog dhe redaktor i përkthimit.