Politika i dorëzohet futbollit: Flamuri i Kosovës shihet në Beograd në Kongresin e UEFA-s

Futboll

Gazeta Express

02/04/2025 22:06

Politika serbe i është dorëzuar futbollit. Serbia – e cila e kundershton pavarësinë e Kosovës që prej shpalljes së saj në vitin 2008 – sot e ka vendosur flamurin e Republikës së Kosovës midis Beogradit, ku po mbahet Kongresi i 49 i UEFA-s.

Ky Kongres po mbahet par herë të parë në kryeqytetin serb, i cili si nikoqir, duhet t’i respektojë rregullat, shkruan Gazeta Express.

E rregull ështe edhe vendosja e flamujve të shteteve anëtare.

Kosova është anëtarësuar në vitin 2016 në UEFA she FFK po përfaqesohet nga kreu i Federatës së Futbollit të Kosovës, Agim Ademi, i cili shihet pranë flamurit në vendin e mbajtjes se këtij Kongresi. Aty janë na radha gjithë flamujt e shteteve anëtare, po ashtu ai i Shqiperisë, me të cilën Serbia do ta organizojë bashkerisht Euro 2027 për grupmoshat U21.

Kongresi i 49-të i Rregullt i UEFA-s do të zhvillohet të enjten në Beograd të Serbisë.  Aty do të hartohet edhe udhëzuesi i Konfederatës më të madhe në botë që do të përcaktojë politika e zhvillimit të futbollit Europian

Flamuri i Kosovës është duke valvuar në Beograd bashkë me flamujt e 55 shteteve anëtare të UEFA-së, derisa në kryeqytetin serb është duke u mbajtur Kongresi i 49 i kësaj organizate.

Por, ajo që u vërejt gjatë këtij kongresi është se nikoqirja e Kongresit të UEFA-s, Serbia, e ka vendosur edhe flamurin e Republikës së Kosovës krahas atyre të shteteve tjera anëtare të UEFA-s në vendin e mbajtjes së kësaj ngjarje europiane.

Mbetet të shihet a do ta lërë ajo këtë flamur edhe gjatë ditës së nesërme kur do të zhvillohet Kongresi.

Çfarë është Kongresi i UEFA-s?

Kongresi i UEFA-s mbledh presidentët dhe sekretarët e përgjithshëm të 55 federatave kombëtare anëtare të UEFA-s për të marrë vendime që ndihmojnë në formësimin e futbollit evropian.

Pjesëmarrësit diskutojnë dhe votojnë mbi vendime, masa dhe propozime nga UEFA dhe federatat. Mbledhja njëditore drejtohet nga Aleksander Čeferin, presidenti i UEFA-s që nga viti 2016.

I organizuar nga një prej federatave anëtare të UEFA-s, Kongresi i Rregullt mbahet një herë në vit. Nëse është e nevojshme, një Kongres i Jashtëzakonshëm mund të thirret nga Komiteti Ekzekutiv i UEFA-s ose me kërkesë të shkruar nga një e pesta ose më shumë e federatave anëtare të UEFA-s.

Një Kongres i dytë i Rregullt mund të thirret nga Komiteti Ekzekutiv i UEFA-s për të trajtuar çështje financiare dhe/ose çështje me rëndësi të veçantë.

Pse është i rëndësishëm Kongresi i UEFA-s?

Kongresi i UEFA-s mund të mos tërheqë aq shumë vëmendje sa finalja e UEFA Champions League ose e Kampionatit Evropian, por vendimet e tij ndikojnë në futbollin përtej fushës së lojës – dhe jo vetëm sepse zgjedh Presidentin e UEFA-s çdo katër vjet.

Në vitet e fundit, Kongresi ka miratuar rezoluta kundër trukimit të ndeshjeve dhe korrupsionit në futboll, si dhe ka theksuar angazhimin e futbollit evropian për të luftuar racizmin. Në vitin 2024, u miratua strategjia e UEFA-s, United for Success.

Këtë vit, Kongresi do të zgjedhë dhjetë anëtarë të Komitetit Ekzekutiv të UEFA-s dhe pesë anëtarë evropianë të Këshillit të FIFA-s.

Çfarë tjetër do të ndodhë në Beograd këtë javë?

Para Kongresit të së enjtes, Komiteti Ekzekutiv i UEFA-s do të zhvillojë një mbledhje në Beograd të mërkurën për të diskutuar çështjet më të fundit.

Cilat janë kompetencat e Kongresit të UEFA-s?

Kongresi zgjedh Presidentin e UEFA-s, anëtarët e Komitetit Ekzekutiv dhe anëtarët evropianë të Këshillit të FIFA-s. Renditja e çështjeve përfshin:

Zgjedhjen e organit auditues të UEFA-s

Ndryshimin e Statutit të UEFA-s

Diskutimin dhe marrjen e vendimeve për propozime

Pranimin dhe shqyrtimin e raportit vjetor të Presidentit të UEFA-s dhe Komitetit Ekzekutiv, si dhe raportit të administratës së UEFA-s

Miratimin e raportit financiar të UEFA-s dhe raportit të auditorëve

Miratimin e pasqyrave financiare dhe buxhetit vjetor të UEFA-s për periudhën e ardhshme

Për më tepër, sipas nevojës, Kongresi shqyrton:

Kërkesat për anëtarësim në UEFA ose përjashtimin e një federate anëtare. Gjithashtu, mund të vendosë për heqjen ose vazhdimin e pezullimit të një federate anëtare, anëtari të Komitetit Ekzekutiv të UEFA-s ose një anëtari të një organi tjetër.

Propozime për shkarkimin e një anëtari të Komitetit Ekzekutiv të UEFA-s ose anëtarëve të organeve disiplinore të UEFA-s (Trupi i Kontrollit, Etikës dhe Disiplinës, Trupi i Apelimit); inspektorët e etikës dhe disiplinës; si dhe Trupi i Kontrollit Financiar të Klubeve.

Dhënien e statusit të anëtarësisë nderi në UEFA për një person që ka dhënë kontribut të jashtëzakonshëm në futbollin evropian. /GazetaExpress/