Ndahet nga jeta në moshën 93-vjeçare aktorja e madhe Margarita Xhepa

Shqiperi

Gazeta Express

03/04/2025 9:06

Aktorja e njohur Margarita Xhepa ka ndërruar jetë në moshën 93-vjeçare në një spital në Tiranë. Prej kohësh ajo vuante nga një sëmundje e mushkërive. Lamtumira e fundit do të jepet më 4 prill.

E lindur më 2 prill 1932 në Lushnjë, Xhepa interpretoi mbi 150 role në teatër dhe 32 role në kinematografi. Ajo spikati si në dramaturgjinë shqiptare, ashtu edhe në veprat botërore si “Hamleti”, “Mbreti Lir” dhe “Romeo dhe Zhulieta”.

Në kinematografi, ndër rolet e saj më të njohura janë ato në filmat “Vitet e para”, “Dimri i fundit”, “Koncert në vitin 1936” dhe “Tokë e përgjakur”. Margarita Xhepa mbetet një nga figurat më të shquara të artit shqiptar, duke lënë pas një trashëgimi të çmuar artistike.