Rama ironizon Berishën: ‘Braktisni kënetën, kush rri aty lajthit’

Shqiperi

Gazeta Express

03/04/2025 9:22

Kryeministri Edi Rama ka ironizuar kreun e PD-së, Sali Berisha, në një reagim në rrjetet sociale. Ai u është drejtuar komentuesve me thirrjen që të largohen nga “këneta”, duke nënkuptuar mbështetësit e opozitës.

“Mos dëgjoni bufin, braktisni kënetën. Nuk po ju them të bëheni pjesë e PS-së, por ikni për hir të shëndetit tuaj mendor. Kush rri në kënetë, rrjedh”, u shpreh Rama.

Lidhur me akuzat për gjuhë të ashpër ndaj opozitës, ai theksoi se flet me metafora dhe se është vetë opozita ajo që përdor etiketime të rënda ndaj tij.

“Kënetën duhet ta thajmë më 11 maj”, tha kryeministri, duke lënë të kuptohet se kjo datë ka një rëndësi të veçantë politike.