Arrestohen dy persona në Prishtinë, iu konfiskuan narkotikë dhe armë

Lajme

Gazeta Express

03/04/2025 10:11

Policia në raportin 24 orësh ka njoftuar se e kanë bastisur një lokal në Prishtinë.

Gjatë kontrollit aty janë gjetur dhe konfiskuar: 2 qese marihuanë me peshë prej 15.8 gramë, 8 qese me kokainë me peshë prej 3.7 gramë, 22 copë pilula ekstazi, qese të zbrazëta për paketim të narkotikëve, një DVR, dokumente dhe një telefon.

Më pas është bastisur edhe shtëpia e të dyshuarit tjetër, ku janë konfiskuar tri armë zjarri dhe 19 fishekë, pajisje për pastrimin e armës dhe qese për paketim të narkotikëve,

Të dyshuarit janë dërguar në mbajtje.

“POSEDIM I PAAUTORIZUAR I NARKOTIKËVE/ARMËMBAJTJE PA LEJE- Prishtinë 02.04.2025-14:30. Pas pranimit të informatës se në një lokal bëhet shitblerja e narkotikëve, njësitë policore kanë dalë në vendin e ngjarjes dhe kanë bastisur lokalin në të cilin gjendej i dyshuari mashkull kosovar. Gjatë kontrollit në lokal janë gjetur dhe janë konfiskuar: 2 qese me substancë narkotike të llojit marihuanë me peshë prej 15.8 gramë, 8 qese me substancë narkotike të llojit kokainë me peshë prej 3.7 gramë, 22 copë pilula që dyshohet të jenë të llojit ekstazi, qese të zbrazëta për paketim të narkotikëve, një DVR, dokumente dhe një telefon. Më pas është lokalizuar edhe banesa e të dyshuarit tjetër mashkull kosovar, ku gjatë bastisjes janë gjetur dhe janë konfiskuar tri armë zjarri dhe 19 fishekë, pajisje për pastrimin e armës dhe qese për paketim të narkotikëve. Të dyshuarit janë arrestuar dhe me vendim të prokurorit janë dërguar në mbajtje.”