Rama i bën publicitet ardhjes së turistëve izraelitë në Tiranë

Lajme

Gazeta Express

03/04/2025 11:11

Kreu i qeverisë Edi Rama ka ndarë në rrjetet sociale pamje nga momenti i mbërritjes në Tiranë të turistëve të parë të linjës Izrael-Shqipëri.

Rama shprehet se “historia na lidhi ngushtë në kohërat më të vështira”, ndërsa shton se kjo linjë do të shtojë edhe një burim të ri rritjeje, dhe do të lehtësojë bashkëpunimet në të gjitha fushat.

‘‘Mirë se vini në Shqipëri. Kënaqësi të mikprisja vizitorët e fluturimit të parë të linjës direkte Izrael – Shqipëri, që do të mundësojë forcimin e lidhjes mes dy popujve që historia i ka lidhur ngushtë në orët më të vështira të kohrave, si edhe do t’i shtojë Shqipërisë Turistike një burim të ri rritjeje, ndërkohë që do të lehtësojë bashkëpunimet në të gjitha fushat”, shkruan Rama