“Dosja 5D”, GJKKO nuk pranon kërkesën e të pandehurve për gjykim të shkurtuar

Shqiperi

Gazeta Express

03/04/2025 11:23

Seanca e parë për dosjen “5D” u zhvillua sot në Gjykatën e Posaçme, ku gjykata refuzoi gjykimin e shkurtuar për ish-drejtorët dhe ish-zyrtarët e Bashkisë së Tiranës. SPAK kërkoi kohë për të përgatitur listën e dëshmitarëve dhe provat.

Të pandehurit, Mariglen Qato, Redi Molla dhe Taulant Tushe, akuzohen për korrupsion, pastrim parash dhe shkelje të barazisë në tendera. Sipas SPAK, ata përdorën lidhje miqësore për të fshehur pronësinë mbi kompaninë “5D Construction”, e cila fitoi 7 tendera publikë në mënyrë të parregullt, duke përfituar 192.7 milionë lekë midis 2016-2020.

Në këtë çështje janë të përfshirë edhe ish-drejtori i Punëve Publike, Taulant Tushe, si dhe 5 zyrtarë të tjerë, përfshirë anëtarë të Komisionit të Vlerësimit të Ofertave dhe autoritete kontraktore.