Xhafaj prezanton dokumentin analitik për mirëqeverisjen dhe antikorrupsionin

Shqiperi

Gazeta Express

03/04/2025 11:31

Kryetari i Komisionit të Posaçëm Parlamentar për Mirëqeverisjen, Antikorrupsionin dhe Sundimin e Ligjit, Fatmir Xhafaj, prezantoi sot një dokument analitik prej 700 faqesh dhe 18 kapitujsh mbi reformat në këto fusha.

Gjatë takimit të nivelit të lartë “Shqipëria 2030 në BE – Rruga e Reformave”, ku ishte i pranishëm edhe Kryeministri Edi Rama, Xhafaj deklaroi:

“Dokumenti analitik është një përpjekje e parë e ekspertizës shqiptare për të analizuar situatën aktuale dhe për të propozuar masa konkrete për përmirësimin e mirëqeverisjes, luftën kundër korrupsionit dhe forcimin e sundimit të ligjit”.

Ai shtoi se “ky është një hap i rëndësishëm për të thelluar reformat dhe për të përmbushur objektivat e integrimit në Bashkimin Evropian.”

Sipas Xhafajt, draftplani kombëtar i veprimit është hartuar nga ekspertë vendas dhe ndërkombëtarë, duke synuar të krijojë një bazë të fortë për avancimin e reformave në Shqipëri.