Veliaj: Hapja e AgroPark në Farkë, një tjetër premtim i mbajtur

Shqiperi

Gazeta Express

04/04/2025 11:42

Kryetari i Bashkisë së Tiranës, Erion Veliaj, ka deklaruar se hapja e AgroPark në Farkë është një tjetër premtim i mbajtur. Ai tha se ky treg agroushqimor ka qenë një nevojë e madhe për qytetin dhe ndihmon fermerët të shesin produktet pa taksa, ndërsa qytetarët përfitojnë produkte bio me çmime më të ulëta.

“Tirana e kishte të nevojshëm prej kohësh një treg agroushqimor dhe më vjen mirë që para 2 vitesh e mbajtëm premtimin me hapjen e AgroPark në Fark.

Lexo Edhe:

Një investim i jashtëzakonshëm, i cili i jep fermerëve hapësirën e duhur për të shitur produktet e tyre pa taksa, ndërsa qytetarët mund të blejnë produkte bio, të kontrolluara dhe me çmime më të ulëta! Ky projekt i domosdoshëm për qytetin, sidomos për ekonominë e familjeve në fshatrat e Tiranës, jo vetëm qe ka krijuar kushte më të mira për fermerët, por edhe u kursen atyre 70% të kostove që më parë paguheshin te privatët!

Dhe mos harro, se duke blerë produkte bio shqiptare ndihmoni një familje të mbajë dhe të shkollojë fëmijet! Forca”, shkruan Veliaj.