Southampton bie nga liga, Arsenali humbet 1 milion funte

Futboll

Gazeta Express

07/04/2025 13:39

Southampton mbrëmë edhe zyrtarisht ka rënë nga Premier Liga pas humbjes nga Tottenham, dhe ky lajm se ka gëzuar aspak Arsenalin

Kjo për shkak të ish portierit Aaron Ramsdale.

Topçinjtë e shitën ish-portierin e tyre të dytë te Southampton verën e kaluar për 18 milion £, me një klauzolë bonusi që parashikonte pagesën shtesë nëse klubi do të mbijetonte në ligë.

Megjithatë, pas disfatës ndaj Tottenhamit të dielën, rënia e Southamptonit u vulos, duke e bërë të pavlefshëm atë 1 milion £ shtesë për Arsenalin.

Vetë Ramsdale pranoi se skuadra e tij e re nuk ishte në nivelin e duhur gjatë gjithë sezonit.

“E dinim që ishte diçka e pashmangshme në një moment të caktuar, nuk kemi qenë mjaftueshëm të mirë gjatë gjithë sezonit. Ishim dominuar nga një ekip më i mirë. Luftuam në pjesën e dytë, por është një ditë e trishtuar dhe një mësim për këtë grup lojtarësh”, tha ai.

Ai gjithashtu theksoi rëndësinë e mbështetjes për lojtarët e rinj që përjetojnë për herë të parë rënien nga kategoria.

 “Disa nga lojtarët po e përjetojnë për herë të parë rënien nga kategoria, ndaj ditët e ardhshme do të jenë shumë emocionale për ta. Ne që kemi qenë më parë në këtë situatë, duhet të ndihmojmë të rinjtë”.

Ramsdale gjithashtu vlerësoi punën e skuadrës sezonin e kaluar dhe u shpreh i bindur se ata do të qëndrojnë të bashkuar deri në fund të sezonit.

“Ky grup bëri gjëra të jashtëzakonshme sezonin e kaluar. Askush nuk do të braktisë anijen tani që kanë mbetur shtatë ndeshje. Jemi një grup i bashkuar dhe duhet të mbështesim njëri-tjetrin”, tha në fund ai. /GazetaExpress/