BDI reagon për vizitën e Mickoskit në Emiratet e Bashkuara Arabe

Maqedoni

Gazeta Express

16/04/2025 15:27

Nga BDI e kanë kritikuar vizitën njëjavore të ekipit të qeverisë në Emiratet e Bashkuara Arabe, në Abu Dhabi dhe Dubai. Integristët thonë se vizita po bëhet pa praninë e asnjë përfaqësuesi nga partitë politike shqiptare që janë pjesë e qeverisë.

“Ky veprim përbën edhe një fyerje tjetër në vargun e nënçmimeve dhe demonstrim të mosrespektit ndaj partnerëve të koalicionit dhe, më me rëndësi, ndaj popullit shqiptar në vend. Ky delegacion nuk ishte turistik, por shtetëror – me ndikim të drejtpërdrejtë në marrëdhëniet ekonomike dhe politike të shtetit tonë. Injorohen ekspertët tanë, sektori ynë i biznesit, diaspora jonë dhe kontributi ynë në shtet”, thonë mes tjerash nga BDI.