Modi: India do t’i ndjekë sulmuesit e Kashmirit deri në fund të botës

Lajme

Gazeta Express

24/04/2025 12:44

Kryeministri i Indisë Narendra Modi ka thënë se vendi i tij do të ndëshkojë “çdo terrorist dhe mbështetësit e tyre” pas një sulmi që vrau 26 njerëz në Kashmirin e administruar nga India.

Modi kishte ndërprerë udhëtimin e tij në Arabinë Saudite dhe u kthye në Indi pas sulmeve, shkruan BBC, transmeton Gazeta Express.

Në një postim në X të martën pas vrasjeve, ai kishte shkruar: “Ata që qëndrojnë pas këtij akti të urryer do të sillen para drejtësisë… Ata nuk do të kursehen! Agjenda e tyre e keqe nuk do të ketë kurrë sukses. Vendosmëria jonë për të luftuar terrorizmin është e palëkundur dhe do të bëhet edhe më e fortë.”

Kjo është hera e parë që Modi flet publikisht për sulmet.