string(84) "bdi-mohon-oferten-per-rikthimin-e-mexhitit-genjeshter-e-ulet-dhe-arrogance-personale"

BDI mohon ofertën për rikthimin e Mexhitit: Gënjeshtër e ulët dhe arrogancë personale

Maqedoni

Gazeta Express

26/04/2025 10:58

Bashkimi Demokratik për Integrim ka reaguar ashpër ndaj deklaratës së Izet Mexhitit, i cili tha se kishte marrë një ofertë për t’u rikthyer në parti.

Përmes një komunikate, BDI e quajti këtë pretendim “gënjeshtër të ulët”, duke theksuar se Mexhiti nuk ka lënë partinë për shkak të parimeve, por për interesa personale. Sipas BDI-së, ai nuk ka kaluar procesin e vetingut për shkak të lidhjeve me korrupsionin dhe devijimeve ideologjike, duke i shkaktuar kështu dëm strukturës dhe besimit të anëtarësisë së partisë. Po ashtu, BDI kundërshton deklaratën e Mexhitit se ai do të merrte drejtimin e partisë pas largimit të Ali Ahmetit, duke e quajtur këtë një tjetër shpifje të pavërtetë dhe dëshmi të arrogancës së tij. BDI i referohet Mexhitit si një “shërbëtor të një projekti antishqiptar”, duke e akuzuar se po mbështet një qeveri që mohon barazinë dhe përjashton shqiptarët nga proceset vendimmarrëse. Komunikata mbyllet me apel për opinionin, duke kërkuar që të mos bjerë pre e këtyre “manipulimeve politike”, dhe theksohet se partia nuk është “plaçkë për pazare”.

Lexo Edhe: