Dje pati vërshime në shkollën “Ismail Qemali” në Prishtinë, publikohen pamjet

Lajme

Gazeta Express

28/04/2025 12:17

Ditën e djeshme disa klasa të shkollës “Ismail Qemali” në Prishtinë janë përballur me përmbytje.

Kështu ka bërë të ditur Drejtori i Drejtorisë së Arsimit, Samir Shahini përmes një postimi në rrjetin social në Facebook.

Ai ka bërë të ditur se situata është menaxhuar me shpejtësi, siç tha ai, për të ndalur rritjen e nivelit të ujit.

“Dje gjatë ditës dhe deri në orët e vona, shkolla “Ismail Qemali” në Prishtinë u përball me përmbytje të shpejta e të papritura në disa klasa. Falë reagimit të menjëhershëm të stafit të shkollës, Drejtorisë Komunale të Arsimit dhe Drejtorisë për Emergjenca dhe Siguri në Kryeqytet, situata u menaxhua me shpejtësi për të ndalur rritjen e nivelit të ujit”, ka shkruar ai.

Shahini tha se brenda ditës uji do të largohet në tërësi, do të kryhet dezinfektimi, dhe katër klasat e prekura do të kthehen në funksion të plotë siç tha ai, sa më shpejtë të jetë e mundur.

“Klasat janë duke u pastruar sot nga mirëmbajtësit e shkollës, dhe të tjerë nga shkollat tjera që iu shkuan në ndihmë. Brenda ditës uji do të largohet në tërësi, do të kryhet dezinfektimi, dhe katër klasat e prekura do të kthehen në funksion të plotë sa më shpejtë të jetë e mundur”