Senatori amerikan: U emocionova kur dëgjova se Presidenti Trump është i hapur ndaj idesë për t’u bërë Papa i ardhshëm

Lajme

Gazeta Express

30/04/2025 9:59

Senatori republikan nga Karolina e Jugut, Lindsey Graham, ka shkaktuar habi në rrjetet sociale me një deklaratë të pazakontë. Në një postim në platformën X, Graham tha se ish-presidenti amerikan Donald Trump duhet të bëhet Papa i ardhshëm.

“Isha shumë i entuziazmuar kur dëgjova që presidenti Trump është i hapur për idenë që të bëhet Papa i ardhshëm. Kjo do të ishte një kandidaturë surprizë, por do t’i lutesha konklavit papnor dhe besimtarëve katolikë të mbeten me mendje të hapur për këtë mundësi! Kombinimi i parë Papa–president amerikan ka shumë përparësi. Le të ndjekim tymin e bardhë… Trump MMXXVIII!”, shkroi Graham.

Deklarata vjen një ditë pasi Donald Trump u shpreh për gazetarët se “do të donte të ishte Papa”, duke shtuar se kjo do të ishte “zgjedhja e tij e parë”.

Ai tha gjithashtu se nuk ka një favorit për papën e ardhshëm, por përmendi kryepeshkopin e Nju Jorkut, Timothy Dolan, si një kandidat potencial: “Nuk e di. Nuk kam favorit. Por duhet të them se kemi një kardinal nga një vend i quajtur Nju Jork, i cili është shumë i mirë, kështu që do të shohim çfarë do të ndodhë.”

I was excited to hear that President Trump is open to the idea of being the next Pope. This would truly be a dark horse candidate, but I would ask the papal conclave and Catholic faithful to keep an open mind about this possibility!

The first Pope-U.S. President combination has… pic.twitter.com/MM9vE5Uvzb

— Lindsey Graham (@LindseyGrahamSC) April 29, 2025

Qëndrimet e ndryshueshme të Graham

Graham është i njohur për ndryshimet e tij drastike në qëndrime politike, sidomos ndaj Donald Trumpit. Gjatë fushatës presidenciale të vitit 2016, ai e quajti Trumpin “të papërshtatshëm për të qenë komandant i forcave të armatosura”. Megjithatë, pas fitores së Trumpit, ai u kthye në një prej mbështetësve më të fortë të tij në Senat, duke përkrahur emërimet e tij në Gjykatën e Lartë dhe politikat kyçe.

Nga një përkrahës i ndërhyrjeve të huaja, Graham ka ndryshuar linjë duke u përafruar me doktrinën “America First” të Trumpit, duke treguar më shumë përmbajtje për përfshirjen amerikane në konfliktin në Ukrainë.

Në fushën e të drejtave riprodhuese, Graham shkaktoi përçarje brenda Partisë Republikane në vitin 2022 kur propozoi një ligj federal që ndalon abortin pas javës së 15-të, ndonëse më parë kishte deklaruar se këto vendime duhej t’u përkisnin shteteve individualisht.

Reagime tallëse në rrjet

Postimi i Graham-it për Papën Trump shkaktoi një sërë komentesh tallëse dhe kritike nga përdoruesit e rrjetit X.

“Zoti im, Lindsey… si duken vallë ato fotografi që kanë për ty? Duhet të jenë diçka e jashtëzakonshme sepse kjo është poshtëruese,” shkroi një komentues, duke nënkuptuar presionin ose kompromiset e Graham-it për të mbështetur Trumpin.

Një tjetër komentues pyeti shkurt: “Çfarë nuk shkon me ty – dhe e them shumë seriozisht?”