Airbus planifikon të bëhet me avionë hibridë deri më 2035

Gazeta Express

29/11/2019 21:18

Prodhuesi europian i avionëve “Airbus” kërkon të ndërtojë avionin e parë me emetime të ulëta dhe ta vërë në përdorim rreth vitit 2035, deklaroi shefi ekzekutiv, Guillaume Faury.

Faury theksoi se zhvillimi i teknologjisë së nevojshme për një qëllim të tillë ishte akoma në fazat e hershme.

Ai deklaroi mundësinë për një avion hibrid elektrik ose furnizim nga karburantet e hidrogjenit ose karburant pa emetime gazrash serrë.

“Rruga është shumë komplekse”, theksoi Faury.

Trafiku ajror përbën 2,5% të emetimeve globale të dyoksidit të karbonit.

“Airbus’ është i vetëdijshëm për përgjegjësinë e tij dhe në të kaluarën ka qenë në gjendje të zvogëlojë ndjeshëm konsumin e karburantit për pasagjer duke përdorur avionë më të lehtë, me motorë më të fuqishëm”, deklaroi Faury.