Arbër Zeneli mbetet jashtë listës për sfidën ndaj Rumanisë

Sport

Gazeta Express

12/09/2023 20:22

Kombëtarja e Kosovës do të luajë sonte në udhëtim ndaj Rumanisë, në kuadër të kualifikimeve për Kampionatin Evropian “Euro 2024”.

Ndeshja do të zhvillohet në “National Arena” të Bukureshtit, me fillim prej orës 20:45, shkruan Gazeta Express.

Përzgjedhësi Primoz Gliha nuk do të ketë në dispozicion sonte Arbër Zenelin. Ai nuk është as në bankën e rezervistëve.

Zeneli ka udhëtuar me Kosovën drejt Bukureshtit, por nuk dihet arsyeja e mungesës së tij.

Nuk dihet nëse ai është i lënduar ose diçka tjetër, apo Gliha ka vendosur ta lë jashtë listës prej 23 futbollistëve që duhet t’i ketë në dispozicion për ndeshje.

Në bankën e rezervistëve ndodhet Kreshnik Hajrizi, i cili nuk ishte fare i përfshirë për ndeshjen e fundit, ndaj Zvicrës. /Gazeta Express/