As Chelsea e as Unitedi, ky është klubi i Premierligës që e do Sanchon

Sport

Gazeta Express

06/04/2025 16:50

E ardhmja e Jadon Sancho mbetet e pasigurtë, por po bëhet gjithnjë e më e qartë që as Chelsea dhe as Manchester United nuk janë të gatshëm të bëjnë një bast për të në afat të gjatë.

Sulmuesi anglez, i cili është në huazim në “Stamford Bridge” deri në fund të sezonit, nuk i ka bindur plotësisht “Blutë”, të cilët nuk kanë asnjë qëllim për ta blerë atë në fund të huazimit.

Ndërkohë, Manchester United gjithashtu nuk po e shqyrton rikthimin e tij.

Marrëdhënia e tij e dobët me Erik ten Hag dhe ndikimi i kufizuar që kishte gjatë kohës së tij në “Old Trafford” e kanë çuar klubin të kërkojë zgjidhje përfundimtare për të mbyllur kapitullin e tij me “Djajtë e Kuq”, dhe situata e tij nuk ka përmirësuar as me ardhjen e Ruben Amorim si pasues i Ten Hag.

Në këtë kontekst, shfaqet një mundësi e papritur që mund të jetë thelbësore për karrierën e lojtarit në Premier League.

Sipas “Football Transfers”, Wolverhampton Wanderers po shqyrton mundësinë e angazhimit në bisedime me Manchester United për të sjellë lojtarin për sezonin 2025/26.

Megjithëse ende nuk ka pasur ndonjë lëvizje zyrtare, interesimi nga ana e “Molineux” shërben si një shpëtim për një lojtar që, në moshën 25-vjeçare, ka nevojë të gjejë stabilitet dhe vazhdimësi.

Premier League mund të jetë ende shtëpia e tij, por në një mjedis ndryshe nga gjigantët që i kthyen shpinën./GazetaExpress/