Atletico Madrid e gjen zëvendësuesin e Griezmannit

Sport

Gazeta Express

04/04/2025 18:04

Atletico Madrid ka filluar tashmë përgatitjet për një të ardhme pa Antoine Griezmann. Me largimin e pritshëm të sulmuesit francez në fund të sezonit, drejtoria sportive e klubit madrilen ka vendosur sytë te Alex Baena, një nga yjet më të mëdhenj të Villarreal.

Edhe pse pozicioni i tij në fushë nuk është i njëjtë me atë të kampionit të botës, drejtuesit e “rojiblancos” besojnë se talenti dhe lidershipi i tij mund ta bëjnë referencën e re të skuadrës.

Baena është konsoliduar si një nga lojtarët më me ndikim në LaLiga.

Aftësia e tij për të krijuar pabarazi në zonën kundërshtare, vizioni i lojës dhe prezenca në zonën e rreptësisë e kanë bërë një element kyç në skemën e Villarrealit. Pikërisht këto cilësi e kanë bindur Atletico-n se ai është lojtari i duhur për të ndërtuar një projekt të ri pas epokës Griezmann.

Megjithatë, Villarreal nuk do ta lejojë largimin e tij lehtë.

Me kontratë të vlefshme dhe si një nga lojtarët më të rëndësishëm të skuadrës, “Nëndetësja e Verdhë” do të përpiqet ta mbajë yllin e saj.

Gjithsesi, dëshira e vetë lojtarit mund të jetë vendimtare, dhe Atletico është e gatshme të bëjë një përpjekje të konsiderueshme financiare për ta afruar në “Civitas Metropolitano”.

Javët në vijim do të jenë vendimtare për fatin e kësaj marrëveshjeje.

Atletico Madrid tashmë ka vendosur të sulmojë për Baena, por mbetet për t’u parë se si do të zhvillohen negociatat dhe nëse Villarreal do të pranojë të ndahet me një nga asetet më të vlefshme të saj.

Gjithçka tregon se merkatoja e verës do të sjellë lëvizje të mëdha në kryeqytet.