“Babai dhe Babai” rikthehet në Qendrën ‘Barabar’

Arte

Gazeta Express

02/04/2025 14:40

Më 10 dhe 11 prill nga ora 20:00 në Qendrën ‘Barabar’ rikthehet shfaqja “Babai dhe Babai”, një dramë e ndërtuar mbi tematikën e personave të zhdukur nga lufta e fundit në Kosovë.

‘Babai dhe Babai’, në dukje një dramë për sfidat e zakonshme të jetës së një familjeje, zbulon një histori tronditëse dhe një traumë të thellë shoqërore, një plagë që ka ngelur e pashëruar dhe e cila personazhet i mban peng, përgjithmonë… Kjo është një dramë për ata që duam t’i mbajmë afër… dhe i mbajmë! Pavarësisht palumturisë që na përplaset në fytyrë si ujë i ftoftë, pavarësisht ëndrrave që na e kujtojnë realitetin e vetmisë. Është një dramë për vetminë e thellë e për mërzinë që kullon dhimbje.