Bahtiri i dha cucllën në Kuvend, ironizon Paris Guri: As kjo s’i paska 61

Lajme

Gazeta Express

25/04/2025 14:40

Seanca e gjashtë konstituive e Kuvendit të Kosovës është shoqëruar me një skenë ironike dhe jo fort të zakonshme ndërmjet deputetit të Lëvizjes Vetëvendosje, Agim Bahtiri, dhe atij të LDK-së, Paris Guri.

Ditë më parë, Guri kishte ironizuar me Vetëvendosjen duke thënë se do të votonte Agim Bahtirin për kryetar të Kuvendit, nëse kjo parti do ta propozonte.

Kjo deklaratë nuk është pritur mirë nga Bahtiri.

Gjatë seancës së sotme, Bahtiri është parë duke i dhënë një biberon me qumësht deputetit të LDK-së, në një veprim që u interpretua si reagim ndaj ironisë së mëparshme.

Ndërkohë, sërish përmes një postimi në Facebook, ka reaguar deputeti i LDK-së, Paris Guri, i cili sërish ka ironizuar me numrat që nuk po mund t’i sigurojë assesi Vetëvendosje.

“As kjo si paska 61. Për mililitra e kom fjalën”, ka shkruar ai teksa ka publikuar shishen që ia dhuroi Bahtiri.