Barcelona ‘dështon’ për ta transferuar mbrojtësin anglez, kthen sytë kah alternativat tjera

Futboll

Gazeta Express

28/12/2025 18:43

Barcelona ka vendosur të përqendrohet te nënshkrimi i një mbrojtësi qendre të nivelit të lartë gjatë verës, duke shpresuar të shfrytëzojë një mundësi të favorshme në treg.

Problemet financiare bëjnë që ata të mos mund të paguajnë një shumë të madhe, dhe kjo është arsyeja e interesit të tyre për anglezin Marc Guehi.

Guehi pritet të largohet nga Crystal Palace kur i përfundon kontrata në fund të sezonit, dhe Barcelona është një nga disa klubet që garojnë për firmën e tij.

Interes për 25-vjeçarin kanë shfaqur edhe nga Real Madridi, Liverpooli dhe vetë Crystal Palace, ndërsa Guehi po planifikon të marrë një vendim për të ardhmen e tij.

Sipas “Sport”, Guehi planifikon të vendosë për klubin e tij të ardhshëm deri në fund të muajit të ardhshëm.

Ky është një lajm i keq për Barcelonën, e cila ende nuk e di se sa mund t’i ofrojë atij, pasi nuk kanë ende të qartë limitin e pagave për sezonin 2026-27.

Barcelona ka pasur një limit të reduktuar të pagave në sezonet e fundit për shkak të problemeve financiare, por rikthimi i rregullit 1:1 të La Ligës, i cili pritet të ndodhë në muajt në vijim, do t’u jepte më shumë liri.

Megjithatë, ata nuk mund të angazhohen për një kontratë të madhe për Guehi pa e ditur numrin e saktë, dhe për këtë arsye nuk duan të vendosin për të ardhmen e tij në mënyrë të ngutshme.

Pritet që Barcelona të mos arrijë të nënshkruajë me Guehi, gjë që do të thotë se ata kanë një objektiv më pak për verën e ardhshme.

Ata kanë identifikuar lojtarë të tillë si Nico Schlotterbeck dhe Marcos Senesi si opsione të mundshme, por vendimi përfundimtar se kë do të tentojnë të marrin do të varet nga mundësia e tyre për të shpenzuar – një gjë që në fund të fundit do të vendoset nga La Liga./GazetaExpress/