BE do të diskutojë se çfarë mund të bëjë Europa për ta mbajtur të hapur Ngushticën e Hormuzit

Lajme

Gazeta Express

16/03/2026 11:17

Shtetet anëtare të Bashkimit Europian do të diskutojnë se çfarë mund të bëhet nga ana europiane për ta mbajtur të hapur Ngushticën e Hormuzit, tha shefja e politikës së jashtme të bllokut.

“Është në interesin tonë ta mbajmë të hapur Ngushticën e Hormuzit”, ka thënë Kaja Kallas para një takimi të ministrave të jashtëm të BE-së në Bruksel, sipas agjencisë së lajmeve Reuters.

Raportohet se një numër anijesh janë sulmuar që nga fillimi i konfliktit ndërsa përpiqeshin të lundronin nëpër ngushticën e ngushtë, përmes së cilës zakonisht kalon rreth 20% e naftës së botës.

Presidenti i SHBA-së Donald Trump thotë se “do të ishte shumë keq për të ardhmen e NATO-s” nëse aleatët e SHBA-së nuk ndihmojnë për ta siguruar atë.

Të dielën, Trump foli me Kryeministrin e Mbretërisë së Bashkuar Keir Starmer për rëndësinë e rihapjes së Ngushticës së Hormuzit “për t’i dhënë fund ndërprerjes së transportit global detar”.