string(86) "berisha-dyfishojme-buxhetin-per-sportin-garantojme-mbeshtetje-per-te-gjitha-disiplinat"

Berisha: Dyfishojmë buxhetin për sportin, garantojmë mbështetje për të gjitha disiplinat

Shqiperi

Gazeta Express

02/04/2025 19:59

Kryetari i Partisë Demokratike, Sali Berisha, prezantoi sot programin e PD-së për sportet, duke njoftuar dyfishimin e buxhetit për këtë sektor dhe një riorganizim tërësor të infrastrukturës ligjore dhe organizative.

Sipas Berishës, sporti do të ketë një ligj të dedikuar, i cili do të garantojë burime financiare transparente nga shteti dhe sektori privat. “Të gjitha investimet dhe sponsorizimet do të inkurajohen nëpërmjet ligjit të sponsorizimit dhe përfshirjes aktive të biznesit në mbështetje të sportit”, u shpreh ai.

Lexo Edhe:

Një tjetër pikë kyçe e programit të PD-së është përfshirja më e madhe e edukimit sportiv në sistemin arsimor. “Edukimi sportiv i nxënësve dhe të rinjve do të jetë shtylla kryesore e sistemit tonë arsimor, duke ndikuar drejtpërdrejt në suksesin dhe përgatitjen fizike e psikologjike të individit”, tha Berisha.

Gjithashtu, ai garantoi mbështetje të drejtë për të gjitha disiplinat sportive, duke shmangur favorizimin e vetëm një sporti. “Shqipëria ka arritur nivele të larta në disa sporte përveç futbollit dhe ne do të sigurojmë mbështetje të fuqishme për të gjitha disiplinat”, përfundoi ai.