string(36) "berisha-hapja-e-fushates-me-11-prill"

Shqiperi

Gazeta Express

01/04/2025 23:56

Berisha: Hapja e fushatës më 11 prill

Shqiperi

Gazeta Express

01/04/2025 23:56

Kryetari i Partisë Demokratike, Sali Berisha tha sot se në 11 prill ora 19:00, kjo parti do të hapë fushatën për zgjedhjet parlamentare të 11 majit në sheshin “Nënë Tereza” në Tiranë.

Duke folur në takimin me të deleguarit politikë dhe kryetarët e degëve të PD në vend, Berisha tha se fushata do të ketë hapjen më të bukur dhe për këtë ka kërkuar angazhimin maksimal të të gjithëve drejtuesve dhe anëtarëve të partisë.

Lexo Edhe:

“Secili nga ju duhet të bëjë më të mirën që të bëhet edhe hapja më e bukur dhe më e mirë që kemi bërë ndonjëherë në Shqipëri. Do vijnë edhe përfaqësues nga diaspora, do jetë një hapje madhështore”, theksoi kreu i PD-së, Sali Berisha.

Berisha theksoi se kandidatët e “PD Aleanca për Shqipërinë Madhështore” e kanë për detyrim paraqitjen e projektit/programit të realizuar në bashkëpunim me ekspertizat më të mira të Amerikës dhe Gjermanisë.

“Është programi që ka pasur mbështetjen dhe ndihmën e madhe të dy fondacioneve më prestigjioze të konservatorizmit në botë, fondacionit Heritage dhe fondacionit Adenauer”, u shpreh Berisha.

Sipas tij, programi i qartë është avantazh në këto zgjedhje.

Berisha tha se shqiptarët do të votojnë origjinalin dhe jo kopjen.

“Në një suicid elektoral politik, mendoi të gjejë strehë të programi elektoral i PD, duke faktuar me këtë se ai ishte pa asnjë program vetë, së pari. Kështu që shqiptarët, kësaj pyetje do i japin një përgjigje më 11 maj, përgjigja do votojnë origjinalin, jo mashtrimin, jo kopjen, jo falsifikimin”, theksoi Berisha.