Berisha me kandidatët e rinj në Tiranë: Ekip me njerëz të shquar dhe të suksesit

Shqiperi

Gazeta Express

02/04/2025 19:42

Kryetari i Partisë Demokratike, Sali Berisha gjatë fjalës së tij në prezantimin e programit të Rinisë, PD-ASHM, theksoi rëndësinë e vendimeve dhe angazhimit të rinisë shqiptare për të ndryshuar kursin e vendit dhe për të ndihmuar në ndërtimin e një “Shqipërie Madhështore”.

Berisha foli për transformimet e rëndësishme që janë realizuar në historinë e Shqipërisë përmes vendimeve të guximshme, si anëtarësimi në NATO dhe krijimi i një shteti pluralist, duke nënvizuar se këto janë arritje të cilat kanë prekur jetët e shqiptarëve dhe kanë ndikuar në fatin e vendit.

Teksa bëri një prezantim të kandidatëve të rinj, Berisha tha “kurrë ky kryeqytet nuk ka patur, kurrë zgjedhjet parlamentare të përgjithshme në Shqipëri nuk kanë patur një ekip me personalitete të reja, të spikatura. Njerëz të shquar, të suksesit. Por atdhetarë të flaktë, patriotë të vërtetë, që kanë vendosur t’i përkthejnë të gjitha energjitë e tyre një misioni të madh, një misioni shpëtimtar për Shqipërinë”.

Berisha tha se 39 ditë na ndajnë nga zgjedhjet, nërsa theksoi se 11 Maji është shumë i rëndësishëm, pasi vendimet tona transformojnë vende dhe kombe.

“Në këtë kontekst, nuk ka ëndërr të madhe që mund të realizohet pa vendime. Janë këto vendime që realizuan ëndrrën e Shqipërisë në NATO, janë këto vendime që realizuan ëndrrën e Shqipërisë pluraliste. Janë këto vendime, të cilat, në disa mënyra patën një ndikim të pzevëndësueshëm në lirinë kombëtare, në faktin që sot shqiptarët jetojnë të lirë në Shqipëri dhe në Kosovë”, tha Berisha.

“Në këtë kontekst, 39 ditë na ndajnë. Të gjithë ju, jeni para një vendimi epik do të thosha, para një vendimi në të cilin ju përmbushni pa mëdyshje misionin më të madh të jetës suaj, përcillni në kalendat e historisë një diktaturë të dytë. Tashmë, jo të bzuar në idelogjinë marksiste-leniniste, por të bazuar në drogën, krimin dhe varfërimin e shqiptarëve”, tha Berisha.