Berisha në Baldushk: Pesëfishojmë subvencionet për fermerët, mbulojmë 80% të interesit të kredive

Shqiperi

Gazeta Express

03/04/2025 21:45

Kryetari i PD-së, Sali Berisha, prezantoi sot në Baldushk programin për zgjedhjet e 11 majit, duke u fokusuar në mbështetjen e fermerëve dhe zhvillimin e bujqësisë.

“Asnjë sektor nuk është më i rëndësishëm për Shqipërinë sesa bujqësia,” tha Berisha, duke premtuar “5-fishimin e subvencioneve dhe mbulimin e 80% të interesit të kredive për investime në sera, bagëti dhe fidanishta.”

Lexo Edhe:

Ai gjithashtu u zotua për rritjen e pagës minimale në 500 euro dhe pensionet e ish-kooperativistëve në 200 euro.

“Në 2013 patëm 11.2 milionë rrënjë ullinj, ne do ta çojmë këtë shifër në 20 milionë,” shtoi ai, duke theksuar investimet në vaditje, kullim dhe dixhitalizimin e bujqësisë.

Në përfundim, Berisha ftoi qytetarët të mbështesin PD-në më 11 maj, për “një ndryshim të madh në jetën e fermerëve”.