Berisha në KE: Rama ka bllokuar Tik-Tokun dhe ka instaluar pajisje DPI për të kontrolluar internetin

Shqiperi

Gazeta Express

07/04/2025 21:18

Ish-kryeministri Sali Berisha ka ngritur akuza të forta ndaj kryeministrit Edi Rama gjatë një takimi me grupin konservator në Këshillin e Europës, duke denoncuar atë që e cilësoi si kontroll sistematik të mediave dhe censurë të internetit në Shqipëri.

Në fjalën e tij, Berisha deklaroi se mbi 80% e mediave shqiptare janë nën kontroll të qeverisë, çka sipas tij ka sjellë një “shuarje të pluralizmit mediatik” dhe ka kufizuar seriozisht lirinë e fjalës në vend.

Ai akuzoi Ramën për bllokimin e rrjetit social TikTok, duke pretenduar se kjo është bërë si reagim ndaj kritikave të shumta që po vinin nga të rinjtë shqiptarë përmes platformës.

Një tjetër akuzë e ngritur nga ish-kryeministri lidhet me përdorimin e pajisjeve DPI (Deep Packet Inspection) .