Bill Clinton në Tiranë, kush ishin tre politikanët që munguan në ceremoni

Shqiperi

Gazeta Express

03/07/2023 22:05

Ish-Presidenti i SHBA-së, Bill Clinton, është dekoruar sot në Tiranë me “Yllin e Mirënjohjes për Arritjet Publike”.

Medaljen Presidentit të 42 të SHBA-së ia dha kreu i qeverisë Edi Rama, i cili shprehu konsideratën më të lartë për Clinton.

Pjesë e ceremonisë ishin personalitete e figura të nihura publike, si ish-presidentë, ish-kryeministra, ministra, ish-ministra, deputetë, etj.

Por ajo që u vëre ishte mungesa e tre politikanëve. Presidenti Bajram Begaj nuk ishte prezent pasi ishte në gjendje jo të mirë shëndetësore.

Po ashtu në ceremoni munguan dhe ish-Presidenti Ilir Meta dhe ish-kryeministri Berisha, arsyeja e mungesës nuk dihet, dhe nëse ka pasur apo jo ftesë për ta.

/Gazeta Express