Bill Clinton për herë të parë në Shqipëri, nderohet me “Ylli i Mirënjohjes” (Të gjitha zhvillimet)

Ish presidenti Amerikan Bill Clinton mbërriti sot në Tiranë për herë të parë.

Ai u prit nga kryeministri Edi Rama dhe anëtarë të tjerë të kabinetit qeveritar në Rinas. Vizita e Clinton në Shqipëri përkon me festën e pavarësisë së SHBA-së, nesër më 4 korrik dhe me ditëlindjen e kreut të qeverisë Edi Rama.

Kjo është vizita e parë në Shqipëri e presidentit të 42-të, të Shteteve të Bashkuara të Amerikës Bill Clinton.

20:20-Rama nderon ish-presidentin Clinton me Yllin e Mirënjohjes

Kryeministri Edi Rama ka nderuar ish-presidentin amerikan me Yllin e Mirënjohjes, gjatë vizitës së parë të tij në Shqipëri.

Rama vuri në dukje se ky është çmimi më i lartë që jepet nga zyra e kryeministrit dhe tha se më parë e kanë marrë edhe persona të tjerë si ish-kanxelarja gjermane Angela Merkel.

“Njeriu nga shpresa, keni qenë me në gjatë kohës, sot jeni mes nesh për të na kujtuar mësimet nga një histori jo fort e largët për të konfirmuar riangazhimin e Amerikës ndaj paqes sonë dhe njëherë të na thërras në shpresë. S’ka fjalë që mund të shpreson mjaft për e thellë që ndje tashmë duke iu kërkuar me përulje të pranon yllin e mirënjohjes për arritjen publike, që është çmimi më i lartë që jepet nga zyra  e kryeministrit dikujt që e meriton këtë mirënjohje”, tha Rama.

20:05 – Situata në Veri, Clinton: T’i jepet fund kësaj marrëzie, qytezat u ndërtuan për të mirë të serbëve

Ish-presidenti Bill Clinton gjatë fjalës së tij në ceremoninë mikpritëse në Tiranë, ka komentuar edhe situatën aktuale në Kosovë. Ai tha se tensionit mes Kosovës dhe Serbisë duhet t’i jepet fund.

“Ka një mosmarrëveshje që po ndodh në Kosovë që do doja mos të ndodhte, nuk është më vendimi im por kosovarët i krijuan ato katër qyteza në të mirë të serbëve për t’u dhënë katër kryebashkiakë më tepër… mendoj se është e lehtë për shqiptarët në shumicë që të përpiqen të përfitojnë nga momenti, për të paraqitur argumentin, por duhet ta ndalim këtë marrëzi.

Çfarë çështje e madhe politike mund të avancohet duke pasur tension. Ka njerëz që jetojnë aty dhe qytetarëve kanë nevojë t’u thuhet se ju duhet të votoni.”, u shpreh ish- Presidenti Clinton.

20:04 – “Faleminderit Bill!” të rinjtë nga Kosova surprizojnë ish-Presidentin Clinton në Tiranë

Ish-presidenti amerikan Bill Clinton viziton sot për herë të parë Shqipërinë, ku është pritur me ceremoni të veçantë.

Kjo është hera e parë që ish-Presidenti Clinton viziton Shqipërinë.

Një grup të rinjsh nga Mitrovica, Rahoveci, Podujeva dhe çdo krahinë tjetër e Kosovës, që mbajnë emrin Klinton dhe Hillari në nder të ish-presidentit amerikan, kanë surprizuar këtë të fundit.

Ata falenderuar Clinton për kontributin e tij për Kosovën, teksa shprehën nderin që mbajnë atë emër.

19:59 – Ish-Presidenti Clinton mban fjalimin e tij, Rama e ndjek i ulur në shkallët e Kryeministrisë

Gjatë fjalës së ish-Presidentit të SHBA-së, në sheshin para Kryeministrisë në Bulevardin “Dëshmorët e Kombit”, kryeministri Edi Rama ka vendosur ta ndjekë në një mënyrë të pazakontë.

Rama, nuk u ul si zakonisht në karrige përballë foltores. Ai vendosi ta ndiqte fjalën e Clinton i ulur në shkallët e Kryeministrisë.

Kujtojmë se kjo është hera e parë që ish-Presidenti Clinton viziton Shqipërinë.

19:51 “Jam pa fjalë!” Clinton shpreh mirënjohje për mikpritjen shqiptare

Ish-Presidenti amerikan Bill Clinton ka shprehur mirënjohjen e tij për mikpritjen që iu bë ditën e sotme gjatë vizitës së tij në Shqipëri.

Clinton, i është drejtuar popullit shqiptar me mesazhe falënderues nga bulevardi “Dëshmorët e Kombit”.

Gjatë fjalës së tij ai tha se do ta ruajë këtë kujtim si një thesar gjithë jetën e tij, teksa shtoi se ndeshet shpesh me shqiptarë në jetën e tij të përditshme në New York.

“Jam pa fjalë! Po të kisha gjykim të shëndoshë nuk do thoja asgjë. Kryeminsutër ministra, zyrtarë, të ftuar e të gjithë popullit shqiptar që kanë qenë pjesë e kësaj dite të shkëlqyer dua t’ju falenderoj për një moment që do ta ruaj si thesar gjithë jetën time. Ka më shumë se 10 vjet që kur bashkëshortja ime erdhi këtu si sekretare e shtetit dhe gjithmonë e pyesja si po ndihesh, si po shkon, sepse gjithmonë doja që të vija. Dhe ndjej që edhe pse jam një qytetar privat, pas asnjë pushtet publik, mund të flas për këtë çështje në emerër të popullit amerikan.

Për partitë tona politike, dallimet tona filozofike, ndonjëherë dhe kundërshtive tona fetare, pavarësisht, ne jemi të angazhuar për lirinë, forcën, integritetin dhe të ardhmen e Shqipërisë.

Jam mirënjohës për atë që kryeministri tha lidhur me Kosovën. Unë dhe Hillary jetojmë në New York që është vendi me përqendrimin më të madh të shqiptarëve të Amerikës. Një javë para se të largohesha po ecja dhe kalova bri tre restorantëve të shkëlqyera shqiptare. Njerëzit dolën dhe të tregonin për axhendën time këtu. E dinin më mirë ata se çfarë do bëja unë këtu. Dua t’i them faleminderit kryeministrit për fjalët që ai tha”, deklaroi Clinton.

19:42 “Çliroi Kosovën!”, Rama: Bill Clinton çeli një epokë të re për Ballkanin

Teksa mori fjalën e tij, kryeministri Rama cili shprehu falënderimet e tij ndaj ish-presidentit, teksa tha se ka qenë pikërisht ai që bëri të mundur gjetjen e aleatëve për çlirimin e Kosovës.

“E vërteta si drita e diellit, është se pa atë revolucion politik brenda të majtës europianë, ku e majta ideologjike në perëndim të Evropës shikonte te Millosheviçi një viktimë potenciale të imperializmit amerikan dhe jo një xhelat të pashpirt të popullit të dhunuar të Kosovës, presidenti Klinton nuk do i kishte gjetur kurrë aleatët për shkrimin e historisë së çlirimit të Ballkanit perëndimor nga diktatori i fundit.

Ai me 5 aleatët kryesor mundësoi vendimmarrjen historike të NATOS-s çlirimin e Kosovës dhe çeljen e një epoke të re, për këtë lagje si fuçia e barutit në zemër të Europës me emrin Ballkan“, tha Rama.

19:29 – “Kam dëgjuar me admirim fjalimet e tij”, Rama flet me superlativa për ish-Presidentin Clinton

Kryeministri, Edi Rama ka mbajtur fjalën e tij në ceremoninë pritëse të ish-Presidentit Bill Clinton. Rama ka folur me superlativa për ish-Presidentin Clinton, i cili viziton Shqipërinë për herë të parë.

Rama: Jo vetëm ia kam parë, dëgjuar, rilexuar ato që ka thënë por edhe studiuar se si i ka thënë. Për të mësuar prej përmbajtjes dhe artit të tij të pashembullt të komunikimit. Mbi të gjitha duke i admiruar atë që as nuk mësohet as tregohet dot, empatinë magjepsëse që e bën Presidentin një ndër oreatorët më të mahnitshëm që ka njohur historia.

Bethel në Beograd është interes edhe i BE-së de-eskalimi i situatës në Ver…
Presidenti Clinton ia rrëmbeu zemrën Amerikës dhe frymëzoi Evropën dhe botën me forcën e fjalës së tij. Ne shqiptarët kemi pasur privilegjin ta përjetojmë drejpërdrejt në lëkurën e kombit tonë forcën rrëqethëse të fjalës së Presidentit Clinton në mbrëmjen e 24 marsit 1999 kur iu drejtua Amerikës dhe gjithë botës. Ai fjalim është për historinë e Kosovës dhe rajonin tonë një gur përcaktues i rrugës të së ardhmes.

19:19- Bill Clinton në Tiranë, Rama flet me superlativa për ish-Presidentin: Kam admiruar ato që ka thënë

Kreu i qeverisë, Edi Rama ka mbajtur fjalën e tij në ceremoninë pritëse të Bill Clinton. Rama ka folur me superlativa për ish-Presidentin, i cili viziton Shqipërinë për herë të parë. Kreu i qeverisë vlerësoi gjithashtu figurën e Clinton në politikë.

Rama: Jo vetëm ia kam parë, dëgjuar, rilexuar ato që ka thënë por edhe studiuar se si i ka thënë. Për të mësuar prej përmbajtjes dhe artit të tij të pashembullt të komunikimit. Mbi të gjitha duke i admiruar atë që as nuk mësohet as tregohet dot, empatinë magjepsëse që e bën Presidentin një ndër oreatorët më të mahnitshëm që ka njohur historia.

Presidenti Clinton ia rrëmbeu zemrën Amerikës dhe frymëzoi Evropën dhe botën me forcën e fjalës së tij.

Ne shqiptarët kemi pasur privilegjin ta përjetojmë drejpërdrejt në lëkurën e kombit tonë forcën rrëqethëse të fjalës së Presidentit Clinton në mbrëmjen e 24 marsit 1999 kur iu drejtua Amerikës dhe gjithë botës. Ai fjalim është për historinë e Kosovës dhe rajonin tonë një gur përcaktues i rrugës të së ardhmes.

Askush nuk e di si do të kishte qenë e ardhmja e rajonit tonë, pa Presidentin, por koha që do rridhte pa atë vendim historik mund të kishte qenë shumë e zymtë.

19:25- Nga përfaqësuesit e opozitës te figurat e njohura publike, kush është prezent në ceremoninë e pritjes së Bill Clinton (FOTO)

Ish-Prsidenti i SHBA-së Bill Clinton është pritur me ceremoni të veçantë nga Kryeministri i vendit Edi Rama.

Pasi u kënduan himnet e dy shteteve, Clinton u takua me ish-Presidentët e Shqipërisë dhe kabinetin qeveritar.

Në këtë aktivitet mirënjohjeje për Clinton që njihet për kontributin e tij të madh ndaj popullit shqiptar, po marrin pjesë figura shumë të rëndësishme të politikës shqiptare.

Në Bulevard është mbledhur një numër i madh qytetarësh, si dhe nuk kanë munguar as figurat e njohura politike.

Para kryeministrisë janë pikasur kryebashkiaku i Tiranës, Erion Veliaj, ish-Presidentët Alfred Moisiu e Bamir Topi, kreu i LZHK, Dashamir Shehi, Lulzim Basha dhe Enkelejd Alibeaj.

Ndër figurat e tjera politike kanë marrë pjesë edhe Gramoz Ruçi, Agron Duka, Agron Gjekmarkaj, Taulant Balla dhe Fatmir Mediu ndër të tjerë.

Po ashtu prezentë kanë qenë edhe përfaqësuesit e komuniteteve fetare në vend, por nuk kanë munguar as figura të njohura publike, mes tyre edhe Princ Leka.

19:08 – Nis ceremonia e pritjes zyrtare për Bill Clinton

Ka nisur ceremonia e pritjes së ish-presidentit të SHBA-së Bill Clinton.

Bill Clinton dhe kryeministri Edi Rama do t’i drejtohen shqiptarëve me një fjalim nga Bulevardi “Dëshmorët e Kombit”, përballë kryeministrisë.

Clinton vjen për herë të parë në Tiranë, ndërsa do të nderohet edhe me medaljen ‘Ylli i Mirënjohjes Publike’.

Qindra qytetarë janë mbledhur në shesh për të parë nga afër ceremoninë e pritjes se Clinton. Në ceremoni u kënduan edhe dy himnet kombëtare të SHBA dhe Shqipërisë.

17:38 – Bill Clinton në Tiranë, ambasada e SHBA: Moment domethënës për miqësinë e dy vendeve

Ambasada e SHBA ka përshëndetur vizitën e Bill Clinton në Tiranë.

Në një postim në Twitter, vizita e tij cilësohet si një moment domethënës në marrëdhëniet mes dy vendeve,

“Mirë se erdhe në Tiranë President Clinton! Vizita e parë e ish-Presidentit në Shqipëri është një moment domethënës në miqësinë e qëndrueshme mes vendeve tona”, shkruhet në postim.

17:11- Clinton në Tiranë, Begaj: Shqipëria dhe shqiptarët ju janë mirënjohës për gjithçka

Presidenti Bajram Begaj uron mirëseardhjen e ish-presidentit Bill Clinton në Tiranë.

Përmes një statusi në “Facebook”, Begaj shkruan se Shqipëria dhe shqiptarët i janë mirënjohës përjetë  për gjithçka i kanë bërë kombit dhe në veçanti për mbështetjen për Kosovën.

Mësohet se Begaj do të mungojë në ceremoni për arsye shëndetësore.

“Mirësevjen në Tiranë Presidenti Clinton! Shqipëria dhe shqiptarët ju janë përjetë mirënjohës për gjithçka që keni bërë për kombin tonë e në veçanti për Kosovën. Vendimmarrja dhe lidershipi juaj në ditët më vendimtare për të ardhmen e Kosovës ju kanë vendosur në piedestalin e miqve tanë më të shtrenjtë. Ju faleminderit nga zemra!”, shkruan Begaj.

15:56-Clinton në Tiranë, Rama publikon foton nga pritja në Rinas

Kryeministri Rama ndarë me ndjekësit në facebook foton nga pritja e ish presidentit amerikan Bill Clinton.

“Rinas – Me presidentin Bill Clinton, mikun e përjetshëm të kombit shqiptar, i cili sapo shkeli për herë të parë në Shqipëri

*Jeni të mirëpritur të gjithë tek Kryeministria, sot në 18:30 për ceremoninë e mikpritjes së Presidentit Clinton dhe adresimin e tij për të gjithë shqiptarët”, shkruan Rama.

15:29 – Mbërrin në Shqipëri Bill Clinton, pritet nga Rama në Rinas

Ish-Presidenti i SHBA-ve, Bill Clinton ka zbarkuar në Tiranë në aeroportin e Rinasit ku është mirëpritur nga kryeministri Edi Rama.

Clinton së bashku me delegacionin e tij mbërritën në Tiranë mesditën e sotme në kaudër të një vizite diplomatike me ftesë të qeverisë shqiptare.

Pas ekzekutimit të himneve kombëtare të SHBA-ve dhe Shqipërisë, Kryeministri Edi Rama dhe Presidenti i 42-të i SHBA-ve Bill Klinton do të bëjnë parakalimin ceremonial dhe do të nderojnë flamujt e dy vendeve.

Kryeministri Rama do të mbajë fjalën e rastit dhe më pas do të nderojë Clinton me “Yllin e Mirënjohjes për Arritjet Publike”.

Pas  vlerësimit,  rreth orës 19: 25, ish Presidenti amerikan do të ketë dhe një fjalim për të pranishmit.

08:33- Vizita e Bill Klinton, policia publikon masat: Rrugët që do bllokohen në Tiranë

Sot në Tiranë do të mbërrijë ish-presidenti i Shteteve të Bashkuara të Amerikës, Bill Klinton. Vizita e tij do të jetë dy ditore, duke përfshirë dhe ditën e nesërme, që përkon me pavarësinë e Amerikës si dhe ditëlindjen e kryministrit të vendit tonë, Edi Rama.

Për sigurinë e Klinton, policia ka njoftuar masat e marra dhe rrugët që do të bllokohe.

Sipas njoftimit të policisë, sot nga ora 14:00 deri në orën 15:30, do të jetë të bllokuara rrugët:

Nga Rinasi – Qafa e Kasharit – Mbikalimi tek Casa Italia – nënkalimi te ish-sheshi “Shqiponja”.

Gjithashtu, këto rrugë do të jenë të bllokuara edhe nesër, nga ora 13:30 deri në orën 15:30.

Rrugë të tjera që do të bllokohen janë: Bulevardi “Dëshmorët e Kombit”, nga kryqëzimi i Ministrisë së Brendshme deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” dhe rruga “Ukraina e Lirë”.

/Gazeta Express