Bllokohet me vetura të policisë vendi ku ndodhi aksidenti i rëndë afër Sllatinës (video)

Lajme

Merita Miftari

29/08/2024 21:43

Sot rreth orës 18:56 në afërsi të Sllatinës në drejtimin Prishtinë-Pejë është rrokullisur një veturë në të cilën ndodheshin pesë persona brenda. Sipas policisë aksidenti ka përfunduar me pasoja fatale.

Në vendin e ngjarjes vazhdojnë të jenë disa vetura të policisë dhe ekipet e tjera të nevojshme.

Si pasojë e aksidentit në këtë zonë janë shkaktuar edhe kolona.

Pamje nga aty ka dërguar një lexues i Gazetës Express:

Sipas informatave të para, personi që po voziste veturën kishte humbur kontrollin mbi të.

“Autoritetet ndodhen në vendin e ngjarjes dhe po kryejnë hetime, përderisa për detaje do të njoftoheni pas raportimeve shtesë nga zyrtarët nga vendi i ngjarjes”, tha për Gazetën Express zëdhënësi i Policisë së Kosovës, Daut Hoxha.