Buffon e diskuton të ardhmen me Juven

Gazeta Express

02/03/2020 17:40

Veterani italian nuk ka vendosur ende nëse do të qëndrojë në Torino edhe për një vit apo jo. 42 vjeçari s’e ka ndërmend të pensionohet

Gianluigi Buffon nuk ka vendosur ende nëse do të luajë edhe për një vit në Juventus apo jo, shkruan Gazeta Express.

Veterani i portës u rikthye vitin e kaluar në Torino pasi e kaloi një sezon në Paris Saint-Germain.

Mirëpo, 42 vjeçari tash është në diskutime me drejtuesit e Juves për të ardhmen e tij.

“Ne nuk kemi vendosur ende. Do ta marrim një vendim. Buffon duket në gjendje të mirë, por nuk kemi biseduar ende për kontratën”, deklaroi për “Tuttomercatoweb”, menaxheri i Buffonit, Silvano Martina.

Ish-përfaqësuesi italian synon ta fitojë trofeun e Ligës së Kampionëve me “Bianconeri”, para se të largohet nga Torino. /Gazeta Express/