Bylbyl Sokoli: Do të jem deputet i VV-së, por do t’i kontribuoj Drenicës dhe futbollit

Futboll

Gazeta Express

02/04/2025 21:20

Bylbyl Sokoli pasi është zyrtarizuar sot te Drenica si trajner, ka dhënë disa deklarata në Facebook

Ai shkruan se do te jete deputet i Kuvendit të Kosovës nga radhët e LVV, por do të vazhdojë t’i kontribuojë Drenicës dhe futbollit kosovar.

“Gjithmonë i gatshëm për Drenicën! Kam pasur nderin të jem kryetrajner i KF Drenica, por angazhimi im në zgjedhje më ka pamundësuar të jem afër skuadrës në këtë kampionat drejt arritjes së objektivit – rikthimit në Superligë”, ka shkruar ai.

Tutje, ai ka thënë se do të jetë aktiv edhe në futboll jo vetëm në politikë.

“Kam një obligim moral ndaj sportdashësve dhe votuesve të mi, andaj dua të ju informoj se do të jem deputet i Lëvizjes Vetëvendosje! dhe gjithmonë do të jem i gatshëm të jap kontributin tim për Drenicën e futbollin! Së bashku me bashkëpunëtorë e mi do të udhëheqim Drenicën deri në fund të sezonit – drejt Superligës!”, ka thënë ai në këtë status në Facebook. /GazetaExpress/