Deputeti VV-së: Numrat që synojmë i kemi, shumë shpejtë do ta formojmë qeverinë e re

Lajme

Gazeta Express

02/04/2025 12:10

Deputeti i zgjedhur i Lëvizjes Vetëvendosje, Artan Abrashi ka bërë të ditur janë në bisedime me deputetë të ndryshëm të Kuvendit dhe tashmë i kanë siguruar numrat për formimin e qeverisë së re.

Ai nuk bëri të ditur se me cilët deputetë  janë duke biseduar por tha se gjendja është e mirë dhe se shumë shpejtë do t’i formojnë institucionet e reja.

“Po deri tani kemi qenë brenda duke respektuar afatet presidentja siç e përcakton kushtetuta ka caktuar datën  e seancës konstituive pasi ta kryejmë betimin pas t’i bëjmë ne përzgjedhjet për trupat e Kuvendit natyrisht do të tentojmë qe brenda një kohe sa më të arsyeshme të bëjmë propozimet për qeverinë. Për momentin krejt çka mund  të them është që gjithçka është në kuadër të asaj siç e kemi parashikuar dhe siç po presim rezultate, jemi në bisedime me deputetë të ndryshëm, krejt çka mund të them tani është që gjendja është e mirë dhe urojmë dhe besojmë që shumë shpejtë do t’i formojmë institucionet, Qeverinë e re. Besoj se po(kemi siguruar numrat) me deputetë të Kuvendit të Kosovës, tha Abrashi për RTV21.

I pyetur nëse Vetëvendosje, i ka dërguar ftesë ndonjë partie politike për ndonjë konsultim rreth koalicioneve, Abrashi nuk dha përgjigje konkrete por tha se janë hapur për bashkëpunim me të gjithë ata që ia duan të mirën vendit.

Ai shtoi se deklaratat e partive opozitare për të mos bashkëpunuar më VV-në nuk i marrin seriozisht.

“Deklarata e partive opozitare ne nuk i marrim shumë seriozisht e kanë vetëm sa për një për konsum ditor për elektoratin e tyre. Nuk është se mund të them diçka në këtë moment lidhur me bisedimet me partitë e tjera por e di që numrat që ne synojmë i kemi. Ne jemi të hapur për  bashkëpunim me gjithë ata që ia donë të mirën institucioneve të Kosovës, me gjithë ata dhe kanë një qasje  konstruktive karshi proceseve politike por se çka mund them tani për tani është se  jemi në bisedim vetëm me deputetë të Kuvendit e ata që ndajnë vizionin e njëjtë me ne, që duan stabilitetin e vendit dhe që kanë qasje konstruktive”, tha Abrashi