“Diaspora nuk të kish pasë dashtë fort”, Mirena – zyrtarëve të LDK-së: Po flisni si para 9 shkurtit, patët mundësi me e pre të keqën

Lajme

Gazeta Express

02/04/2025 21:25

Gazetari Ilir Mirena i është drejtuar duke qeshur zyrtarit të LDK’së, Visar Azemit duke i thënë se “Diaspora nuk te kish pasë dashtë fortë diçka”.

“Tkish lon mangut pak. Diaspora kish pas disa preferenca ma interesant në LDK”, tha Mirena.

Mirena ka adresuar kritika të ashpra ndaj partive opozitar, për mungesën e veprimeve konkrete pas zgjedhjeve të 9 shkurtit.

Ai në emisionin Pressing në T7 përpara zyrtarëve të LDK’së, Visar Azemit dhe Jehona Lushaku-Sadriut, ka vënë në pah se, ndonëse opozita ka akuzuar Vetëvendosjen për izolimin e vendit, shkatërrimin e ekonomisë dhe korrupsion, nuk ka ndërmarrë hapa për ta ndalur qeverisjen e Albin Kurtit.

“Në këtë sjellje luksoze që po ja lejoni vetes, sa kredibile janë kritikat e juaja ndaj qeverisjes Kurtit? Dhe sa do të jenë kredibile kritikat e tua të njëjta nëse Kurti e bën qeverinë 3?. Kur ju e patët një mundësi krejt opozita që me ndal të keqen e këtij vendi, e nuk e bëtë? Patët mundësi me pre të keqën” – ka pyetur Mirena, duke vënë në pikëpyetje seriozitetin e opozitës.

Ai theksoi se opozita kishte mundësinë ta ndalonte, siç e quajti, “të keqen e këtij vendi”, por nuk e bëri.

Në këtë situatë, sipas tij, qeveria Kurti po vepron e pakontestuar, madje duke “bërë hjg” me gazetarët.