Dy ndeshje shumë interesante sot në Superligë

Futboll

Gazeta Express

13/04/2025 10:40

Superliga e Kosovës në futboll vazhdon këtë të diel me ndeshjet e xhiros së 28-të, ku dy takime mjaft interesante do të zhvillohen sot.

Në Gjilan, skuadra vendase do të përballet me Llapin, në një sfidë që pritet të jetë e luftuar dhe me shumë rëndësi për të dyja ekipet.

Ndërkohë, në Malishevë, skuadra vendase e pret Dritën në stadiumin “Liman Gegaj”. Malisheva është në kërkim të pikëve për të mbajtur pozitën e tretë, ndërsa Drita, pothuajse e ka siguruar titullin e kampionit.

Të dyja ndeshjet nisin nga ora 15:00