E dhimbshme: Ja në çfarë gjendje është shtëpia e heroit Adem Jashari

Gazeta Express

20/08/2020 10:06

Kompleksi Memorial i Jasharëve buzë rrënimit, kullat janë në gjendje të rëndë.

Pavarësisht se kanë kaluar 22 vjet nga rënia heroike e familjes Jashari, gjendja e Kompleksit Memorial të kësaj familjeje në Prekaz, është e rëndë dhe buzë rrënimit.

Kullat, në të cilat Jasharët ishin përballuar me forcat serbe, kanë filluar të kenë çarje të mureve, rënie të llaçit nga muret dhe dëmtimi serioz të çatisë, si pasojë e reshjeve atmosferike, ndërsa shteti vazhdon të bëjë “gjumë”.

Siç duket për të treguar gjendjen jo të mirë të kullave, sot kryetari i Skenderajt, Bekim Jashari, djali i Hamëz Jasharit, ka publikuar një storje në Facebook ku tregon fotografi të shtëpisë së demoluar, ndërsa ka shkruar |22 vite pas?”

Kujtojmë se Qeveria e Kosovës një muaj më parë në një nga mbledhjet e saj ka shqyrtuar propozim-vendimin për themelimin e komitetit ndërministror për përzgjedhjen e projektit për Kompleksin Memorial “Adem Jashari”, në Prekaz.

Kryesues i këtij komiteti është emëruar Besnik Tahiri, zëvendëskryeministër i parë i Kosovës.