EA7 HAP DYQANIN E PARË NË KOSOVË DHE PREZANTON KOLEKSIONIN PRANVERË/VERË 2025

Lajme

Gazeta Express

02/04/2025 16:06

EA7, marka e njohur sportive e Emporio Armani, arrin një tjetër moment historik me hapjen e dyqanit të parë në Kosovë, në Prishtinë, Albi Mall. Ky hap përfaqëson angazhimin e markës për të sjellë veshje sportive të nivelit të lartë për të apasionuarit dhe profesionistët e sportit në rajon.

Koleksioni Pranverë/Verë 2025 është i karakterizuar nga kërkimi i vazhdueshëm për materiale dhe trajtime inovative që sigurojnë rehati maksimale dhe performancë të përmirësuar. Siluetat minimaliste dhe detajet e sofistikuara përforcojnë elegancën unike të EA7.

Për trajnim, koleksioni për burra dhe gra, i dizajnuar për aktivitete si në ambiente të mbyllura ashtu edhe të hapura, përfshin teknologjitë e markës:

• VIGOR7, që ofron një ndjesi si “lëkurë e dytë” për sportet me intensitet të lartë.
• VENTUS7 dhe NATURAL VENTUS7, të cilat garantojnë performancë optimale falë frymëmarrjes së targetuar dhe detajeve me “body mapping”.

Seria ekskluzive 7.0, ku dizajni takon eksperimentimin, sjell copa të jashtëzakonshme nga materialet më të mira, me detaje të përpunuara dhe prerje moderne. Paleta përfshin të kuqen e thellë dhe printet kamuflazh në nuanca kafeje dhe blu-gri.

EA7 është linja e performancës së lartë e Emporio Armani, e krijuar mbi vlerat e Giorgio Armani: kreativitet, kërkim, inovacion dhe stil. Me një gamë të plotë veshjesh dhe aksesorësh, marka i dedikohet sportdashësve dhe profesionistëve në shtatë disiplina: trajnim, tenis, basketboll, sporte motorike, sporte ujore, sporte malore dhe golf.

Hapja e dyqanit të parë EA7 në Kosovë shënon një moment të rëndësishëm për tregun lokal, duke sjellë për herë të parë një eksperiencë të nivelit të lartë në modën sportive.