EC: Përmbytje të jashtëzakonshme, 7 familje të bllokuara në Tropojë

Shqiperi

Gazeta Express

17/09/2022 10:01

Moti i keq ka shkaktuar përmbytje të mëdha në Tropojë. Komisioni i Mbrojtjes Civile i Prefekturës së Kukësit ka dhënë informacion në lidhje me situatën duke theksuar më emergjente situata paraqitet në Bashkinë e Tropojë. Emergjencat Civile njoftojnë se situata më e rëndë është në njësinë Administrative Bytyç dhe Mergegaj pasi ka përmbytje të jashtëzakonshme.

“Nga informacioni i marrë nga Përgjegjësi i EC-së bashkisë Tropojë  si rezultat i reshjeve te shiut : gjendja ne fshatin Fushe-Lumi te Nj. Adm. Margegaj dhe në fshatin Vlad të Nj. Adm. Bytyç ka përmbytje te jashtëzakonshme”.

Në fshatin Fushë Lumi janë bllokuar 7 familje.

“Në fshatin Vlad situata është më e përkeqësuar, aty që në orët e para të mëngjesit ndodhen stafi i Bashkisë Tropojë, ku po monitorojnë situatën për të parandaluar ndonjë fatkeqësi. Ne fshatin Fushë-Lumi 7 familje janë të bllokuara nga sasia e madhe e reshjeve dhe uji i grumbulluar”, thuhet në njoftimin e Emergjencave Civile.

/Gazeta Express