Edion Gashi i bashkohet Kosovës U-19

Futboll

Gazeta Express

27/09/2023 14:20

Edion Gashi ka vendosur ta veshë fanellën e Kombëtares së Kosovës.

17 vjeçari, i cili luan për të rinjtë e Schalke 04 i është bashkuar ekipit U-19 të Kosovës.

Ai luan në pozitën e mesfushorit ofanziv, ndërsa po kalon formë të mirë tek skuadra U-19 e Schalkes.

Siç njofton Federata e Futbollit të Kosovës, punën e Edionit nga afër e ka përcjellë përzgjedhësi i Kosovës U-19, Adil Maliqi, i cili pas një bisede me talentin kosovar në Gjermani, e ka konfirmuar ardhjen e tij.

“Edion Gashi është një talent që premton shumë dhe pritet që edhe te Kosova t’i tregojë aftësitë e tij në grupmoshat e Kosovës. Edionit i urojmë mirëseardhje dhe i dëshirojmë shumë suksese”, njofton shtëpia e futbollit kosovar. /Gazeta Express/